Делавита: Սբ. Սագրադա Ֆամիլիա եկեղեցի (Բարսելոնա)

Վերջերս այնպիսի մի բան եմ իմացել,որ ուղղակի ապշել եմ: Մի գուցե ձեզնից շատերն արդեն գիտեն Սբ. Սագրադա Ֆամիլիա եկեղեցու մասին, բայց այնուամենայնիվ ցանկանում եմ կիսվել ինֆորմացիայով: Իմ խնդրանքով բարեկամներիցս մեկը, ով ապրում է Բարսելոնայում, նկարներ է ուղարկել, որոնք ուղղակիորեն գրավել են իմ ուշադրությունը: Ահա այդ նկարներից մի քանիսը.

Այս եկեղեցու կառուցումն ունեցել է իր նախնական ծրագիրը, որն իրականցրել է Անտոնի Գաուդին դեռևս 1866թ.-ից:

Այս եկեղեցին, որ իրավացիորեն կարելի է կոչել աշխարհի հրաշալիքներից մեկը, սկսել են կառուցել դեռևս 1882թ.-ի մարտի 19-ից և մինչև այժմ էլ դրա կառուցումը շարունակվում է և ամենազարմանալին այն է, որ կառուցումը շարունակվելու է ևս 30 տարի: Հետաքրքիր է մարդկանց մտածելակերպը. կառուցել մի եկեղեցի, որ մտնելիս ինքդ զգաս քեզ ավելորդ Աստծո աշխարհում, չգիտեմ, բայց ես միշտ եկեղեցի ասելիս պատկերացրել եմ մի խուլ անկյունում թաքնված, հնամաշ պատերով մատուռ, որտեղ ամեն մեկս մեր աղոթքն է ուղղում առ Աստված:

Այս ամենը ամբողջն արված է այդ եկեղեցում, որն իմ կարծիքով ավելի շատ թանգարան է, քան սրբավայր, համենայն դեպս ապշեցուցիչ է նման մի մտահղացում ունենալ ու իրագործել:

Սա կատալերենով գրված <<Հայր Մեր>>-ն է, որը փակցված է եկեղեցու դռների վրա:

Ավելի շատ ուշադրություն դարձնենք նրան, որ այս եկեղեցին ամբողջը ձեռքի աշխատանք է անգամ այ գեղեցիկ նկարներն ու քնդակները. իրապես այն պետք է հրաշալիք անվանել!!!